ALBISTA BULETINA
2023/08/18
♦ IRITSI DA ASTE TXIKIA!
Familiako txikienek gehien espero zuten unea iritsi da Anaitasunara. Astelehenetik aurrera, Txikiaren astea ospatuko dugu, haurrek izugarri gozatuko dituzten makina bat jarduerekin. Gure kiroletan saiatu ahal izango dira, askariak gozatu, igerilekuko festetan barre egin, zineman abenturak bizi… Haien klubean udaren emozioa aste oso batez bizi dezaten.
Txiki Egunak emango dio amaiera aste honi, gustatzen zaizkien jarduera guzti horiek antolatu ditugun jardunaldian, txokolatadatik hasita mozorro-dantzetaraino. Ez galdu aukera zuen seme-alabekin egun gogoangarri bat partekatzeko. Zuen zain izango gara!
Aste Txikiaren jardueretan izen emateko, zuzenean harrera-lekuan edo Anaitasunako aplikazioaren bidez egin daiteke. Azkeneko kasu honetan, adin txikikoaren erabiltzaile eta pasahitzarekin sartu beharra dago, Erreserbak-en sartu eta, behin hor gaudela, Aste Txikia-n sartu.
♦ ERRESERBATU IRAILAK 2KO DATA
Irailaren 2an, larunbatean, Anaitasunan gure ohiko herri-bazkaria ospatuko dugu, bazkideon artean harremanak estutzeko eta klubarentzat oso egun berezia den egunean sortzen den giroaz disfrutatzeko ekitaldia. Laster, menuaren inguruan informazioa emango dizuegu, bai eta txartelak eskuratzeko prozeduraz ere. Ez egin planik egun horretan, bertan nahi baizaituztegu!
♦ IGERIKETAKO LEHIAKETA TALDERAKO SARRERA
Gure igeriketa saileko lehiaketa taldearen parte izan nahi duten pertsonentzat, irailaren 4tik 28ra ikastaro trinko bat antolatu da, 2016 urtean edo atzerago jaio diren neska-mutilentzat. Inskripzioak socios@anaitasuna.com helbide elektroniko bat bidaliz edota Anaitasunako aplikazioan, Ikastaroak atalean.
♦ IRAILEAN ERE, KANPAMENTUAK
Gure kanpamentuetarako bi data berri atera ditugu, kalekoetan zein kirol anitzekoetan. Biak irailaren 4tik 6ra burutuko dira. Izen emateko, Anaitasunako aplikazioaren bitartez edo zuzenean klubaren bulegoetara hurbilduz.
♦ ESKATU ADIN TXIKIKOEN KREDENTZIALAK
Ikastaroen eta urteko jardueren inskripzioei begira, irailan egingo direnak, adin txikikoenak gauzatzeko, haien kredentzialak izatea ezinbestekoa dela oroitarazten dizuegu. Eskuratu nahi badituzue, recepcion@anaitasuna.com helbidera mezu bat bidaliz eska ditzakezue.
♦ LAGUNTZARIK BEHAR GURE ESKUBALOIRAKO ABONUA ESKURATZEKO?
Datorren asteazken eta ostegunean (hilak 23 eta 24), 18ak eta 20:30 bitartean, klubeko zenbait langile pabiloian egongo dira Anaitasunako eskubaloi abonua lortzeko interesaturik dauden pertsona guztiei laguntzeko. Joan ezin direnentzat, haien esku infobalonmano@anaitasuna.com helbidea dute, zeinetan denboraldi honetarako abonuak lortzeko sistemarekin sortzen zaizkien zalantza guztiak argitu ahal izango dituzten.
♦ C.A. OSASUNA MAGNAREN ABONATUEN KANPAINA
Astelehenetik aurrera, Anaitasunako bulegoetan C.A. Osasuna Magna areto-futboleko taldea ikusteko abonuak lortu ahal izango dira. Dakizuenez, klubeko bazkide izateagatik, prezio murriztuak dituzue. Helduentzako 200 abonu ditugu eta 100 haurrentzako. Eskudiruz soilik ordaindu daitekeela oroitarazten dizuegu eta aurreko urteko abonua ekartzea gomendagarria dela ere, berritzeen kasuan. Anaitasunako bazkideentzako prezioak hauexek izango dira:
BERRITZEAK:
- Helduak: 60€.
- Adin txikikoak: 30€.
- Familia (bi heldu eta bi adin txikiko): 100€.
ABONU BERRIAK:
- Helduak: 75€.
- Adin txikikoak: 40€.
- Familia (bi heldu eta bi adin txikiko): 120€.
♦ JANTZI DEZAGUN ARROPA EGOKIA TABERNAN
Anaitasunako taberna gozamenerako eta bizikidetza osasuntsurako tokia da gure bazkideentzat, hortaz, instalazio horretan sartzen den edonori arropa egokia eraman dezala erregutzen diogu, garbitasun zein begirune arrazoiak direla medio. #GureBaloreakBerreskuratu gu guztiok eroso sentituko garen kluba izan dadin Anaitasuna.
♦ APROBETXATU GURE ESTETIKA ZERBITZUAREN ESKAINTZAK
Gure Estetikak ez du abuztuan atsedenik hartzen eta zerbitzurik onena eskaintzen darrai. Orain, gainera, irrati-maiztasunerako eskaintza paregabe batekin, hilabete honetarako soilik baliagarri. Kontsultatu laser depilaziorako eskaintzak ere. Jar zaitez onenen eskutan zure gorputza zaintzeko!
♦ BERRIAK
– Anaitasunako areto-futboleko taldea gazteagotu da eta helburu berriei egingo die aurre.
Comments are closed.