ALBISTE BULETINA

2023/08/11

♦ ABUZTUAREN 21ETIK 26RA, TXIKIENAK PROTAGONISTA IZANGO DIRA

Udaro bezala, Anaitasunan aste bat antolatu dugu familiako txikienak klubeko benetako protagonistak izan daitezen. Abuztuaren 21etik 26ra, Txikiaren Astea ospatuko dugu, jardueraz eta jokuz beteta egongo dena eta haiei buruz datorren astean jakinaraziko dizuegu. Amaiera abuztuaren 26an, larunbata, iritsiko da Txikiaren Egunarekin. Gorde aste hori zure egutegian, txikiek Anaitasunan bikain pasa dezaten lortuko baitugu!

♦ HELVETIA ANAITASUNAK BERE DENBORALDIKO ABONUAK AURKEZTU DITU

Anaitasunako Eskubaloi sailak datorren astelehenean bere denboraldiko abonuak kaleratuko ditu. Aurreko urtetan bezala, gizonezkoen lehenengo taldearen, filialaren eta emakumezkoen Zilarrezko Ohore Mailako taldearen partidu guztiak barne hartzen ditu. Prezioak hauexek dira: helduentzat, 105€ bazkideentzat eta 125€ ez bazkideentzat; 2006 eta 2010 urte bitartean jaiotakoentzat, 65€; eta 2011 eta 2017 urte bitartean jaiotakoentzat, 30€. Helduek zein gazteek klubaren bufanda bat jasoko dute opari. Abonuak astelehenetik aurrera eskuratu ahal izango dira lotura honen bidez.

♦ ZURE SAKELAKO TELEFONOA, SEKRETURIK GABE

Aurreko deialdiek izan zuten arrakasta dela eta, sakelako telefonoaren erabileraren ikastaroaren edizio berri bat plazaratu dugu, Nafarroako Gobernuaren Abentura Digitala kanpainaren barnean. Android sistema eragilea duten telefonoentzako heziketa da (ez da baliagarria iPhonetako iOS-arentzat). Abuztuaren 28tik irailaren 1era 10etatik 12etara burutuko den ikastaroa, dohainik da eta parte-hartzaileek haien sakelako telefono propioak eraman beharko dituzte.

Aurreko edizioan itxaron-zerrendan zegoen pertsona orok, aurtengoan plaza bat erreserbatuta dute jada. Anaitasuna haiekin harremanetan jarriko da haiei abisatzeko. Interesatuta dauden beste guztiak, harreralekuan edota klubeko aplikazioaren bidez inskriba daitezke.

♦ DATORREN ASTEAN, DANTZAK ETA DESERTAK

Datorren aste honetan, Anaitasunan bi jarduera oso berezi ospatuko ditugu. Hilak 15 asteartean, 18etan, tabernako 4. egongelan koreografia txapelketa itzel bat izango da. Toki berean, baina hilak 19, larunbatean, 18:30etik aurrera, gozogintza txapelketa bat gozatuko dugu. Bi jardueretarako, inskripzioak klubeko harreralekuan gauzatu daitezke.

♦ PREST IZAN ZURE TXAKURRENTZAKO ARDURA ZIBILEKO ASEGURUA

Helvetia Seguros-ek, Anaitasunako aseguru-etxe ofizialak, irailaren 29tik aurrera, Txakurrentzako Ardura Zibileko aseguru bat izatea derrigorrezkoa izango dela oroitarazten digu. Horregatik, oso eskaintza berezi bat prestatu dute, zeinaren ezaugarriak lotura honen bidez ezagutu ditzakezun. Triptiko honetan, informazio guztia aurki dezakezu.